بسم الله الرحمن الرحيم
انا مهوسة بشراء هذا الجوال👇🏻
شايفيني كيف بديت التدوينة عالطول من الحماس
فيه أحد يلومني؟!
طالعوا بس في التصميم والشكل اللي ما تلاقي زيه في جوالات ثانية وما أقلكم عن اللون مطير عقلي
غير عن المواصفات الجبارة
رام ١٢ سعة تخزين ٥١٢ أو تقدر تأخذ نسخة الـ ٢٥٦ أتوقع ومعالج سناب دراغون
في الحقيقة هوسي فيه بدأ ٢٠٢٤ أو حتى قبل كذا
👈🏻تدوينة قائمة أمنياتي لعام٢٠٢٤ هنا
حتى اني حطيته في قائمة أمنياتي لهديك السنة بس مع الأسف لحد هذه اللحظة ما قدرت اشريه
قاعدة أكتب هذي التدوينة علشان أكد لنفسي اني ما قدرت أحقق هذا الهدف لحد هاللحظة 😭
بس محد يدري لربما تتغير الأقدار
اللي يحزني اني كل يوم تقريبًا أفتح فيديو الاعلان حقه وأقعد أتفرج عليه وإلا أشوف فيديو مراجعة له على اليوتيوب
ولسى هوسي ما انتهى هنا!
أروح أشوف تعليقات المستخدمين المهوسين بسوني زيي وأقعد أقرأ فيها
ويااا ليل الصب متى غده!
أتمنى انه هالسنة ما تنتهي إلا وأنا شاريته بإذن الله وإلا راح تقرأون تدوينة جديدة لي أتحلطم فيها على سنة ٢٠٢٦
حقولكم سر 🤫قبل كتابة هالتدوينة كنت أقرأ تعليقات المستخدمين اللي يستخدمونه حاليًا وأشوف الصور اللي صورها وصار يطلع لي في احلامي وأكون مرة مبسوطة حتى أصحى وأكتشف انه الواقع لا يشبه حلمي الجميل 😮💨
يا لطييف قمة التعذيب ( تشوف حلمك في يد الغير شي عادي وكأنه ضغطة زر)
يارب يا كريم
أتمنى تدعو لي أحقق هالحلم يمكن أحد فيكم مستجاب الدعوة
أو ربما ينتهي هوسي بيأسي لا أحد يعلم!
دمتم على أحلام تصبح حقيقة
بدرية
ليست هناك تعليقات:
إرسال تعليق